أنواع الخط العربي ..

أنواع الخط العربي ..



الخط الكوفي







وهو من أجود الخطوط شكلا ومنظراً وتنسيقاً وتنظيماً ، فأشكال الحروف فيه متشابهة ، وزاد من حلاوته وجماله أنه يتزين بالتنقيط ..

وقد بدأت كتابته من القرن الثاني الهجري ، ثم ابتكر الإيرانيون الخط الكوفي الإيراني وهو نوع من الخط الكوفي العباسي تظهر فيه المدّات أكثر وضوحًا ..

ثم ظهر الخط الكوفي المزهر ، وفيه تزدان الحروف بمراوح نخيلية تشبه زخارف التوريق ، وشاع استعمال هذا النوع في إيران في عهد السلاجقة ، وفي مصر في العهد الفاطمي .

خط النَّسْخ ..



وضع قواعده الوزير ابن مقلة ، وأُطلق عليه النسخ لكثرة استعماله في نسخ الكتب ونقلها ، لأنه يساعد الكاتب على السير بقلمه بسرعة أكثر من غيره ، ثم كتبت به المصاحف في العصور الوسطى الإسلامية ، وامتاز بإيضاح الحروف وإظهار جمالها وروعتها.

خط الثلث ..



من أروع الخطوط منظرا وجمالاً وأصعبها كتابة وإتقانا ، يمتاز عن غيره بكثرة المرونة إذ تتعدد أشكال معظم الحروف فيه ؛ لذلك يمكن كتابة جملة واحدة عدة مرات بأشكال مختلفة ، ويطمس أحيانا شكل الميم للتجميل ، ويقل استعمال هذا النوع في كتابة المصاحف ، ويقتصر على العناوين وبعض الآيات والجمل لصعوبة كتابته ، ولأنه يأخذ وقتاً طويلاً في الكتابة .

كل الخطاطين بتبلش بخط الرقعة والنسْخ لتوصل خط الثلث ، إلا أنا ما بعرف كيف بلشت وتعلمت الثلث قبل ما اتعلم البقية ... طبعا كنت لسه صف سادس تقريبا أول ما بلشت ..

وبما انو الثلث أصعب أنواع الخطوط وبدو دقة ومهارة عالية ووقت طويل ، لهيك وقت بقول تعلمتو يعني ما قصدت الاحتراف فيه ، وإنما 60% منو بعد سنوات تمرن طويلة ..

على كل حال ، هاد كان زمان .. أما الآن ، ما عاد في شي إلا بقايا قواعد بسلك حالي فيها وقت الحاجة نتيجة عدم الممارسة والمتابعة ..

لك كلشي ما عندك وقت حرام عليك تضيع كل هل مواهب لك حرررررررررررررررررام

الشاعر2 كتب:لك كلشي ما عندك وقت حرام عليك تضيع كل هل مواهب لك حرررررررررررررررررام

ههههههههههههههههههههههه

والله يا أخي الشاعر لو بإيدي ما كنت قصرت ، بالعكس أنا كتير بتمنى رجع أيام زمان .. ولكن ليس باليد حيلة ..

انت بكرا بس تاخد التاسع والبكلوريا بتفوق إن شاء الله - مو متلي شحط - وبتدخل الجامعة وبتصير تدرس وتشتغل بتعرف شو يعني ما في وقت وبال فاضي لهيك أمور ..

نورت ...

زهرة الكاميليا كتب:
الخط الديواني كتير حبيتو .......
برافو عليك انو بلشت بخط الثلث (هلاء صرنا نفهم فيون قال يعني )
هو الخط كتير حلو ....بس احيانا الواحد ما بيفهم شو مكتوب يمكن لانو بيطمسوا حرم الميم
متل ما ذكرت ......

موهبة جميلة جدا والمهم الواحد يكون عندو ثقافة وملم بالموضوع احسن من الجهل المطبق

شكرا جزيلا على المعلومات الممتعة اخي الفجر البعيد

صدقت أختي ..

وأنا كمان بحب الديواني أكتر شي لأنو أسهل شي تقريبا مع سمة الجمال ، وكيف ما كتبنا فيه بيطلع حلو ..

بس ترى الثلث ما بلشت فيه شطارة مني ههههههههههه وإنما لأنو شكلو عجبني أيام الطفولة لهيك حاولت قلد لوحات بشوفها بالمساجد أو على أغلفة الكتب وما شابه ..

ومتل ما قلتي ، أحيانا بتمر علينا لوحات خطية أشبه بالألغاز ، وبدها دقائق طوال لمعرفة المضمون ..

شكرا لمرورك العطر أختي ..